Gar Baazi Ishq Ki Baazi He Jo Chaho Laga Do Dar Kesa

gar baazi ishq ki baazi he jo chaho laga do dar kesa

gar baazi ishq ki baazi he jo chaho laga do dar kesa

 

Kab Yaad Mein Tera Saath Nahin, Kab Haat Mein Tera Haat Nahin
Sad-Shukr Ki Apni Raaton Mein, Ab Hijr Ki Koi Raat Nahi

Mushkil Hain Agar Halat Wahan Dil Bech Aa’ein Jaan De Aa’ein 
Dil Walo Kocha-e-janan Mein Kya Aise Bhi Halat Nahi

Jis Dhaj Se Koi Maqtal Mein Gaya Wo Shaan Salamat Rehti hai 
Ye Jaan To Aani Jaani Hai Is Jaan Ki To Koi Baat Nahi

Maidan-e-Wafa Darbar Nahi Yaan Nam-o-Nasab Ki Pooch Kahan
Ashiq To Kisi Ka Naam Nahin Kuch Ishq Kisi Ki Zaat Nahi

Gar Baazi Ishq Ki Baazi He Jo Chaho Laga Do Dar Kaisa
Gar Jeet Gaye To Kya Kehna Haare Bhi To Baazi Maat Nahi

Poetry By : Faiz Ahmed Faiz

Leave a Reply